Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Sprecher, Arthur (von Bernegg)Sprecher, Fortunat (von Bernegg) lemma sequent

Sprecher, Florian
* 22-1-1548 a Tavau, † 18-4-1612 a Tavau, ref., da Furna, progenitur da la lingia da Tavau. Figl dad Andreas, statalter e podestat, e da Barbara n. von Planta. Biadi da Conrad von Planta. ∞ Dorothea n. Brunner, numnada Büsch, da Tavau. Scrivant 1566-76, landamma da Tavau e chau da la LDD 1582-84, 1588-92 e 1606-07. Uffizier en ina cumpagnia grischuna en servetsch franz. 1574 e 1585-87. Col. da la LDD 1582 e 1585. Comm. da delegaziuns diplomaticas en Frantscha ed en l'Austria. Il 1582 ha S. obtegnì il titel da chavalier a l'occasiun d'in segiurn a Paris sco delegà da las Trais Lias per la renovaziun da l'allianza cun la Frantscha da Henri III. Mess a la Dieta confed. 1590. Comm. dal Cussegl secret dals quindesch per il mantegniment da la pasch 1606. Il 1607 è S. vegnì accusà da la dretgira nauscha da Glion, tegnida cunter la partida franz.-veneziana. Autur d'ina cronica e descripziun dal cirquit da Tavau (manuscrit).


Archiv:
ASGR.

Litteratura:
Geneal. Sprecher 1, nr 1, 1-77.

Adolf Collenberg

lemma precedents Sprecher, Arthur (von Bernegg)Sprecher, Fortunat (von Bernegg) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :