Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Sprecher, GeorgSprecher, Jakob (von Bernegg) lemma sequent

Sprecher, Hermann (von Bernegg)
* 3-8-1843 (Jakob Hermann Ulysses) a Cuira, † 27-7-1902 a Turitg, ref., da Cuira. Figl da Johann Andreas. Frar dad Arthur. Nubil. Gimnasi a Stuttgart, stud.iur. a Tubinga ed Erlangen. Advocat e schurnalist a Cuira. Il fan. 1870 ha el acquistà, ens. cun Emil Meyer a Marca e Placidus Plattner, l'interpresa Pargätzisches Druckerei- und Verlagsgeschäft  e cun quai il «Bündner Tagblatt» ch'è sa transfurmà, suenter la partenza da Christian Tester (1872), sut sia direcziun (1872-82) d'ina gasetta dirigenta lib. ad in organ federalistic-conservativ. Il 1872 era S., sper Andreas Rudolf von Planta, in dals antirevisiunists principals (redactur da las «Bündner Stimmen», in'agiunta al «BT»). Tr. il 1871 ed il 1895 è el stà repetidamain comm. dal cussegl da la citad da Cuira, il 1894 burgamester. Comm. dal Cussegl naz. 1872-75 e 1878-83. Derschader chant. 1873-75, 1882-84 e 1893-95. Dals onns 1870 fin viaden ils onns 1890 manader da la part ref. dals circuls federalistic-cons. a Cuira. A Berna represchentant dal "federalissem intrasigent" (atgna designaziun) e da la minoritad conservativa. Cumpogn da cumbat da Caspar Decurtins entaifer la Partida federalistic-conservativa. Persunalitad fitg populara en il Grischun.


Litteratura:
Geneal. Sprecher 1, nr 134, 106 s.; Gruner, Bundesversammlung 1, 628; Metz, Graubünden 2; Foppa, Deutschsprachige Presse, 37 s.

Adolf Collenberg

lemma precedents Sprecher, GeorgSprecher, Jakob (von Bernegg) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :