e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Sprecher, Johann Andreas (von Bernegg) Sprecher, Johann Andreas  Sprecher, Johann Andreas (von Bernegg) * 31-8-1819 a Cuira, † 8-1-1882 a Cuira, ref., da Cuira. Figl da Johann Andreas. ∞ Elisabeth n. von Salis-Grüsch. Suenter la derutta da la firma dal bab, translocaziun a Neuwied (Rheinland) 1824. Scolaziun a l'Institut per mats dals herrnhuterans, gimnasi a Wetzlar (Hessen), studis linguistics a Bonn e Heidelberg. Onns da viadi sco magister a Neuchâtel, Genevra, Cuira (Scola chant.), Basilea e Vienna (1847/48), alura maiordom dal cont Téléky en Transilvania (Ungaria), uffizier da l'armada ungaraisa Honved (1849). Suenter ina detenziun politica a Pest (Ungaria) ed ina dimora en l'Engalterra, ha S. vivì sco erudit privat en la chasada da sia sora a Thalheim/AG. Ami e correspundent da Peter Conradin von Moor 1832-52. Actuar dal cussegl d'educaziun dal Grischun e da la cumissiun chant. dals paupers (demissiun 1854-64 causa in defect da l'udida). Autur da novellas («Aus Heimat und Fremde», 1859, e.a.), da las «Geschichten aus Pompalusien» (tematicas surs.), da romans istorics sco era da l'enconuschenta «Geschichte der Republik der drei Bünde (Graubünden) im achtzehnten Jahrhundert» (1872-75, terza ediziun amplifitgada da Rudolf Jenny 1976) che valeva gia quella giada sco ina da las pli impurtantas ovras da l'istoriografia grischuna e svizra. Enragischà en il spiert dal l'epoca lib. dal 19. tschientaner. Ovras: Donna Ottavia, 1878; Die Familie de Saas, 1881. Litteratura: Geneal. Sprecher 1, nr 1030, 208; Geneal. Salis, tav. 19/13, 27/11; H. Grass, Johann Andreas von S., Leben und Wirken, diss. Berna, 1945; Sprecher/Jenny, Kulturgeschichte, XIII-LXXVII; Bedeutende Bündner 2, 73-86. Adolf Collenberg  Sprecher, Johann Andreas (von Bernegg) Sprecher, Johann Andreas  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: