e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Steiner, Peter Lorenz Steinhauser, Anton  Steinhauser, Alois * 11-2-1871 a Sagogn, † 27-10-1918 a Paris, cat., da Sagogn e Sursaissa. Figl dad Anton. ∞ Catharina n. Casanova, da Sursaissa. Possessur da trais gronds bains purils. Gimnasi a Cuira 1890, studi da giurisprudenza a Berlin, Heidelberg, Würzburg, Minca e Berna, dr.iur. («Das Zugrecht nach den bündnerischen Statutarrechten», 1896). Ulteriurs studis a Paris e viadis a Roma. Advocat a Cuira a partir dal 1898. Comm. dal Cussegl grond 1899-1918 (pres. 1918 ), mastral da la Foppa 1905-06, cuss. guv. 1909-15 (Dep. da finanzas e militar, pres. 1913), cuss. naz. 1915-18. Enturn il 1900 ha S. bandunà il curs politic lib.-sanester da ses bab ed è s'associà a quel cons.-cat. da Caspar Decurtins. Emprim pres. (fin il 1908) da la PConsD, fundada il 1903. Il politicher S. ha promovì surtut l'economia publica en Surselva. El è stà in dals iniziants da l'OE Surselva ed ha promovì la lingia da viafier Glion-Mustér, l'hotellaria, l'Ospital da la Crusch a Cuira e la Clinica psichiatrica Riòlta (oz Clinica Beverin). Enturn il 1907 ha el sustegnì l'idea da realisar ina viafier da la Greina, publicamain è el però stà loial envers il project d'ina viafier dal Spleia, sustegnì da la maioritad dals Grischuns. S. è mort dalla "grippa spagnola" durant in segiurn a Paris.  Litteratura: C. Latour, Dr. Alois S., en: Annalas, 34/1920, 133-37; Gruner, Bundesversammlung 1, 628 s.; D. Cadruvi, Alois S., 1971. Martin Bundi  Steiner, Peter Lorenz Steinhauser, Anton  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: