e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Raschèr, Peter von Raschnals  Raschèr, von Famiglia dirigenta da Zuoz. L'emprim member attestà è Johann Martin (1483-1573), menz. il 1550 en in doc. da nobilitaziun conferì ad el tras l'imp. Carl V. Il 1580 è la fam. R. sa spartida confessiunalmain. La lingia cat. è sa translocada a Vienna. Hans, biadi da Johann Martin, è stà il progenitur da la lingia pli veglia da Cuira, extinguida il 1810. Ses frar Peter è stà uvestg da Cuira dal 1581-1601. Il 1569 è mort Jodocus, il davos prer cat. a S-chanf. La fam. R. ha occupà div. uffizis da la citad da Cuira, ha mess in guvernatur e plirs podestats en Vuclina sco era, cun Johann Simeon, otg giadas il chau da la LCD tr. 1670-85. Il 1797 è vegnì natiralisà Wolfgang da Zuoz a Cuira; el è il progenitur d'ina lingia pli giuvna ch'ha schendrà medis, plevons ed uffiziers en servetsch napolitan. La sedia da fam. al Türligarten sa chatta en la part sid da la citad. Ils R. èn s'alliads tras maridaglia tr.a. cun ils Plantas, Salis, Juvaltas ed Albertinis. Litteratura: Sammlung rhätischer Geschlechter, 1847, 133; Schweizerisches Geschlechterbuch 3, 338; Valèr, Churer Stadtrat, 110; Simmen, Wappen, 72, 137. Max Hilfiker  Raschèr, Peter von Raschnals  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: