Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents FardenFarschno lemma sequent

Farera
Anteriura vischn. polit., cirq. Schons, distr. Rain Posteriur. Fusiun cun Calantgil a la vischn. da Ferrera en Avras il 2008. Vitg accumulà al Rain d'Avras. Ca. 1150 Farreira, tud. Ausserferrera (uffiz.). Separaziun da Calantgil il 1837. 1808 110 abit.; 1850 167; 1900 107; 1950 78; 1960 219; 2000 47. Culegna fundada a partir dal 11. tsch. da Rumantschs, l'emprim prob. il vitg da Cresta situà sin ina terrassa a 1660 m, abità durant l'entir onn fin en il 18. tschientaner. La baselgia a Cresta è vegnida construida enturn il 1200, quella a F. vers la fin dal 15. tsch. (patrocinis nunenconuschents). Refurmaziun avant il 1538. Separaziun definitiva da S. Martin a Ziràn il 1707. La suveranitad territoriala sur la Val Schons, exercitada l'emprim da l'uvestg da Cuira, è passada successivamain als signurs de Vaz, alura als de Werdenberg per turnar il 1456 puspè a l'uvestg. Il 1458 è la val sa cumprada libra dals dretgs signurils. Sper l'allevament da muvel han ins explotà ed elavurà, cun agid da miniers austr., minerals fin viaden il 19. tschientaner. Fin il 1851 ha F. furmà in vischinadi dal cumin da Schons ed ha constituì ina dretgira bassa (civila) cun Calantgil, Andeer e Pignia. Construcziun dal stradun 1890-95. Centrala da las OE Rain Posteriur dapi il 1961. Il 1990 existiva anc in manaschi puril. Part da la populaziun da lingua rum.: 1880 98,4%; 2000 2,1%/25,5% (ML/Lindic).


Litteratura:
Kdm GR 5, 203-07; H. Stäbler, Bergbau im Schams, im Ferreratal und im vorderen Rheinwald, en: JHGG, 1976, 1-77.

Jürg Simonett

lemma precedents FardenFarschno lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: