Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Valär, HansValär [Valèr], Jakob lemma sequent

Valär [Valèr]
Schlatta da la classa superiura a Fadrein, Gianatsch e Tavau. A partir dal 1396 cumparan ils V. sco mastrals da la dretgira signurila da Castels (Gianatsch, Fadrein, Luzein). A Fadrein possedevan els parts da las dieschmas, faschevan affars cun la prevenda e figureschan, a partir dal 1594, sco possessurs dal bogn e dad in feud signuril austr. ch'els partivan il 1636 cun la fam. Sprecher a Luzein. Il 1490 faschevan ils V. part da la pli stretga clientella dals signurs territorials de Matsch. Cun il bundslandamma Paul († 1684), ch'aveva acquistà il chastè da Vorburg, erigì sco chastè avanzà a la fortezza da Grimmenstein (vischn. da St. Margrethen/SG), è s'extinguì il rom impurtant da la fam. a Fadrein. Il frar da Paul, bundslandamma Jakob, ha fundà ina nova lingia a Tavau. In rom dals V. a Gianatsch exista anc adina.
Litteratura:
Schweizerisches Geschlechterbuch 3, 452-76; M. Valèr, Landbuch der Landschaft und Hochgerichtsgemeinde Davos. Sechs Jahrhunderte Davoser Geschichte, 1912, 57; RN 2, 535; H. Simmen, Aus der Geschichte der Familie V., en: BM, 1997, 415-31.

Florian Hitz

lemma precedents Valär, HansValär [Valèr], Jakob lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: