Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Zschokke, HeinrichZuan, Rodolfo lemma sequent

Zuan
Famiglia da Segl e Casaccia. Il num Z. deriva da Giovanni/Johannes. En il 19. tsch. èn intgins Z. da Casaccia stads activs sco commerziants a l'exteriur. Rodolfo ha participà activamain al cumbat per la libertad da l'Ungaria (1849). Ses nev cun il medem num (* 1822 ad Autun/Burgogna), è sa deditgà a partir dal 1866 sco autodidact e collecziunader passiunà d'objects istoric-culturals a studis istorics ed a las scienzas natiralas. Rudolf (1840-96), commerziant tr.a. en Galizia, è vegnì clamà il 1882 a Turitg sco directur da l'exposiziun naz. dal 1883. Andreas Ulrich (* 1855 ad Autun), è stà en ils onns 1904-13 cdt da la plazza d'armas a Cuira, nua ch'el è daventà in grond promotur da la vita musicala da la citad († 1935). La lingia da Segl cun Paul, il constructur da l'Hotel Edelweiss (1876), ha gì gronda part al svilup turistic da la vischnanca. Il commerziant Paul (1907-89) è stà autur d'intgins raquints rum., p.ex. «La bouda dal Corvatsch» (1985) e «Drama al Lej da la Tscheppa» (1989); da la penna dad Emilio, plevon a Flearda dal 1941-80, deriva tr.a. la «Chronik der Gemeinde Flerden» (1984).  Ils Z. eran parentads tras maridaglia tr.a. cun las fam. Frizzoni e Robbi.


Litteratura:
JNGG, 38/1894/95, 1-7; BM, 1896, 98-100; Kaiser, Zuckerbäcker, 82, 111, 130; Chal. ladin, 1990, 117-21.

Adolf Collenberg

lemma precedents Zschokke, HeinrichZuan, Rodolfo lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: