e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  San Carlo San Jorio, Pass da  San Gaudenzio Anteriura baselgia da pelegrinadi (di da Nossadunna d'avust) sur Casaccia. En il 9. tsch. è attestada la baselgia sco possess da la claustra da Faveras ch'ha exequì la collatura fin enturn il 1450, alura è ella ida en possess da la Bergiaglia. Tenor la legenda èn sepulidas qua las reliquias da S., veneradas cun approvaziun dal papa dapi il 13. tschientaner. La baselgia da S. sa chatta al pe dal Set e dal Güglia ch'eran las transversalas nord-sid las pli impurtantas dal Grischun en il temp medieval. Dapi il temp medieval tempriv ha existì sper la baselgia in ospizi (menz. pir il 1336) che renviescha a la funcziun da basa da S. Il 1359 è la baselgia vegnida reconsecrada. Il 1518 è ella vegnida reconstruida en stil gotic ed il 1523 munida da la brev da perdun dal papa. Il 1551 han devastà ils refurmads la baselgia ch'è vegnida bandunada en il 18. tschientaner. Il 1925 è la ruina da la baselgia gotica vegnida restaurada. Litteratura: Kdm GR 5, 417 s.; Bundi, Besiedlung. Adolf Collenberg  San Carlo San Jorio, Pass da  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: