e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Flearda Flem  Flecs Part da la vischn. polit. da Sour, cun in'alp e quatter aclas situadas a 1970 m sin ina terrassa lunghenta orientada vers il vest, tud. Flix. Oriundamain ina culegna da stad da Rumantschs. En il 14. tsch. èn sa domiciliads Gualsers da l'Avras a F.; abitadi permanent a partir dal 15. tschientaner. Ils nums locals cumprovan ch'ils Gualsers avevan colonisà sulettamain il stgalim mesaun da la planira auta. La "Tgadmecr", ina gruppa da chasas sin 2000 m, è pregualsra. La chaplutta medievala deditgada als ss. Placi e Sigisbert, amplifitgada tras chaputschins enturn il 1660, è vegnida consecrada a s. Roc, il patrun dals malsauns da la pestilenza. Survivents da la pestilenza dal 1629-30 èn sa domiciliads a Sour, nua ch'els èn vegnids natiralisads il 1657. Da vegl ennà (gia preistoric?) fin en il 19. tsch. èn vegnids explotads minerals da fier en la regiun da la Gruba/Alp F. (elavurads a Cunter en Surmeir), tr. il 1828 ed il 1847 era en vischinanza da l'aclaun da Salategnas. Ils guauds da F., che s'extendevan a ses temp fin a 2400 m, èn prob. vegnids runcads per alimentar las minieras. Blers edifizis agriculs betg pli utilisads èn vegnids transfurmads en chasas da vacanzas. Dapi il 1980 exista in'ustaria a F. La flora dal lieu è unica en ses gener. Litteratura: E. Meyer-Marthaler, Zur Frage der Walser im Oberhalbstein, en: BM, 1941, 324 s.; Bundi, Besiedlung, 221 s., 621; E. Brun, Geschichte des Bergbaus im Oberhalbstein, 1987, 55 s. Gion Peder Thöni  Flearda Flem  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: