Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents SarnSassiala lemma sequent

Sasmunt
Oriundamain il vast areal d'in chastè cun baselgia dal temp medieval tempriv, situà sin ina collina grippusa en il territori da la vischnanca d'Ardez. Il pitschen chastè dal 12. tsch. tardiv ha in plan orizontal lunghent e cumpiglia ina tur principala da quatter plauns ed in mir da tschinta cun construcziuns internas (ercul cun latrina e.a.). Entrada al segund plaun da la vart meridiunala. Lautga da la vart dal nord. Il tetg è modern. Restanzas da la baselgia da S. Luzi sa chattan sin la terrassa al nord dal cumplex. Dal mir da tschinta exteriur existan mo paucs fastizs. Il chastè central è vegnì construì prob. a la fin dal 12. tsch. dals signurs von Frickingen. Il 1209 è passà il chastè tras cumpra a l'uvestgieu da Cuira; il 1348 è el vegnì impegnà als Plantas, il 1411 a Georg Scheck ed è restà en la fam. Scheck - malgrà div. contestaziuns - enfin il 1502. Destruì durant la Guerra svabaisa (1499) dals Austriacs, è il chastè vegnì bandunà en il 16. tsch. ed è alura ì plaunsieu en muschna. Suenter div. lavurs da mantegniment e da renovaziun  tras la fam. possessura von Planta è la tur vegnida averta al public il 2001.


Litteratura:
Clavadetscher/Meyer, Burgenbuch, 192-95; LQ, 14-8-2001.

Maria-Letizia Boscardin

lemma precedents SarnSassiala lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :