e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Societad feudala retica Societad grischuna dals inschigners ed architects  Societad grischuna d'uffiziers Fundada ils 19-5-1834 a Cuira sut la direcziun dal posteriur general Peter Ludwig Donatz sut il num Militärverein von Graubünden ch'è daventà comm. da l'Eidgenössischer Militärverein il 1846. Ils emprims statuts da quell'uniun, ch'aveva en mira era da meglierar l'organisaziun militara en il Grischun, dateschan dals 14-12-1834. L'emprim pres. statutar è stà il lt col. Peter Conradin von Tscharner. Ils 20-5-1860 è vegnida fundada la Societad grischuna d'uffiziers. L'emprim pres. è stà il col. Jakob von Salis. La societad è sa schliada il 1875 ed è vegnida fundada da nov ils 24-11-1879. Ils emprims statuts da la nova Societad grischuna d'uffiziers dateschan dal 1927. Ils 3-7-1932 è ella sa reconstituida ed ha introducì il sistem dal spustament regiunal da la sedia principala, abolì tras ils statuts dal 1956, ma restà de facto en vigur fin il 1968. Dumber da comm.: 1932-81 200-500; 1984 ca. 800; 1996 ca. 800. Secziuns localas: Engiadina (fundada il 1895), Cuira (temporarmain Cuira/Val dal Rain Grischuna), Tavau-Partenz (fundada il 1933). Litteratura: 150 Jahre Bündner Offiziersgesellschaft 1834-1984, edì dad U. Gadient e.a., 1984. Adolf Collenberg  Societad feudala retica Societad grischuna dals inschigners ed architects  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: