e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Tràn Tratta  Traona Vischnanca en la provinza tal. da Sunder. En il 12. tsch. tanscheva il Lai da Com fin a T. che aveva qua tras ina grond'impurtanza en la politica da traffic. T. era in lieu-punt a l'Adda ed il center da la communitas montaneae Domopholi, v.d. da tut las vischnancas situadas sin la spunda dretga da la part exteriura da la val. Sut il domini milanais (a partir dal 1335) è la vischnanca da T. stada il lieu principal da la squadra dretga dal Terzal dadora sco era sedia d'in podestat e disponiva d'ina duana installada tar la tur d'Olonia al Lai da Com. A T. eran domiciliadas las fam. Paravicini, Vertemate, Malacrida ed Omodei. A partir dal 1512, sut il domini grischun, residiava puspè in podestat a T. Fugitivs religius tal. èn stads activs a T. a partir dal 1545 sco preditgants (Camillo Renato, Augustinus a Crema). Il 1589 existiva a T. ina pitschna cuminanza ref. da 15 fam. (o.t. da Caspano). Ellas abitavan durant l'enviern a T., avevan in agen plevon e sa reunivan en la baselgia da la S. Trinitad che n'exista betg pli. Ina part da questa cuminanza è vegnida assassinada il 1620 durant il Murdraretsch en Vuclina. Il 1638 sa chattava a T. il quartier principal dal general franz. François Annibal d'Estrées. Il 1797 è T. passà cun la Vuclina a la Republica cisalpina. Litteratura: Camenisch, Reformation und Gegenreformation; D. Songini, Storie di T.: Terra buona, 2004. Martin Bundi  Tràn Tratta  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: