e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Truog, Jakob Rudolf Truog [-Saluz], Tina  Truog, Leonhard * 29-5-1760 ad Aschera, † 24-4-1848 a Tusaun, ref., dad Aschera. Figl da Jakob, pur, e da Barbara n. Balzer, dad Aschera. ∞ Anna Elisabeth n. Anosi, da Zuoz. Scolaziun teol. ad Aschera e Roten 1778-84, recepì en la Sinoda retica 1784, preditgant a Tusaun fin a sia mort. Comm. dal novfundà cussegl chant. da la baselgia evang. 1808-41, vicedecan 1821 e decan da la Sinoda retica 1825. Il 1830 ha el avert a Tusaun ina scola primara privata. T. è stà actic sco pumicultur ed apicultur. Collavuratur dal «Neuer Sammler». Autur da div. ovras, tr.a. da las «Historisch-grammatikalische Bemerkungen über die romanische Sprache und ihre verschiedenen Dialekte im Kanton Graubünden» (1807), da la «Geschichte der Reformation in Graubünden» (1819) e d'ina descripziun geografic-statala dal Grischun (1826). Litteratura: J.R. Truog, Dekan Leonhard T.s Leben, von ihm selbst beschrieben, 1911 (cun reg. d'ovras). Adolf Collenberg  Truog, Jakob Rudolf Truog [-Saluz], Tina  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: