Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Volpe, Giovanni AntonioVonmoos, Jon lemma sequent

Vonderach, Johannes
* 6-5-1916 ad Unterschächen/UR, † 10-2-1994 ad Altdorf/UR, cat., da Spiringen/UR. Figl da Heinrich, hotelier, e da Katharina n. Gisler. Collegi Karl Borromäus ad Altdorf, stud.teol. a Milaun e Cuira 1936-40, ordinà sacerdot 1940, studi da promoziun a Friburg 1940-44, dr.teol., studis d'istorgia e da giurisprudenza a l'Univ. da Berna 1944-46. V. è entrà en l'administraziun diocesana il 1946, l'emprim sco chancelier (fin il 1958), il 1952 era sco vicari gen. e custodi, il 1957 sco coadjutor da l'uvestg da Cuira, Christianus Caminada, cun dretg da successiun. Uvestg da Cuira 1962-90. V. è sa participà sco in dals uvestgs ils pli giuvens al 2. Concil vatican. Il 1966 ha el convocà (confurm al spiert dal Concil) l'emprima Sinoda diocesana ed ha uschia dà l'impuls a la Sinoda 72 sco sinoda da l'entira Svizra. Durant ses temp d'uffizi è vegnida renconuschida statalmain la baselgia cat. en il chantun da Turitg (1963) ed erigida (1968) resp. amplifitgada la Scola auta teol. da Cuira. Ens. cun collavuraturs capabels sco Alfred Teobaldi a Turitg ed il posteriur archuvestg da Laibach, Alois Sustar, ha el manà la diocesa extendida durant las transfurmaziuns conciliaras. La nominaziun da ses chancelier Wolfgang Haas al coadjutor cun dretg da successiun, dirigida da V., ha provocà il conflict en l'uvestgieu da Cuira dals onns 1990-97.


Litteratura:
K. Schuler e.a., Ein Bischof und sein Dienst, 1976; Gatz, Bischöfe 1945, 124 s.

Victor Conzemius

lemma precedents Volpe, Giovanni AntonioVonmoos, Jon lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :