e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Benedict, Domenic Simeon Benedictins  Benedict, Simeon * 20-3-1806 a Cuira, † 5-7-1885 a Cuira, ref., da Cuira e Tschlin. Figl da Domenic Simeon, teolog. Scola media. Scolaziun academica impedida tras in donn da l'udida. Emprendissadi en la Stamparia Cotta ad Augsburg ed en la stamparia da la curt roiala a Paris, nua ch'el ha simpatisà cun il giuven moviment liberal. Fundatur da la Stamparia B. ed editur da la «Bündner Zeitung» 1830. Inconstant da natira, è B. vegnì involvì en numerus conflicts decidids tr. gasettas ed en polemicas instigadas entaifer la pressa. Comm. dal Cussegl grond 1838, adversari energic da la lescha davart la censura da pressa ("lescha da buccarè"). La Moziun B. ha manà a l'ediziun stampada dals protocols dal Cussegl grond dapi il 1836. Il 1847 ha el participà voluntariamain en l'armada fed. a la Guerra da la Lia separatista. Comm. dals Grütlians ed in dals paucs Liberals fulminants dal Grischun. Il 1845 ha B. vendì sia stamparia a Friedrich Wassali, ed il 1846 ha el laschà stampar a Lantsch Sut il «Bündner Landbote» (cumparì 1845-47). Litteratura: Bornatico, L'arte tipografica, 222 s.; Metz, Graubünden 1, 450. Peter Metz  Benedict, Domenic Simeon Benedictins  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: