Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Willi, GionWilli, Kaspar lemma sequent

Willi, Josef Michael
* 29-9-1824 a Lantsch, † 17-4-1897 a Bombay (oz Mumbai), cat., da Lantsch. Figl da Valentin Anton, pur, e da Maria Barbara n. Simeon. Gimnasi e noviziat a Brig ed Estavayer-le-Lac 1844-47. Stud.fil. a Saint Louis 1848-49, prefectura e magisterium a Saint Louis e Cincinnati 1849-51. Stud.teol. a Löwen (Belgia) 1851-54 cun ordinaziun sacerdotala. Terziat a Coblenza (Rheinland) 1855-56, spiritual da students a Bonn 1856-58. A partir dal 1858 activ en la missiun dals gesuits fundada a Poona en vischinanza da Bombay, directur e scolast d'ina chasa dad orfens a Byculla (Bhaykhala) al sid da Bombay, chaplon militar da la garnischun da Colaba (quartier da Bombay) 1859-65, vicari gen. e secretari da l'uv. Walter Steins a Bombay 1865-67, comm. dal senat da l'Univ. da Bombay a partir dal 1868, confundatur e p.p. directur da div. scolas, gimnasis, scolas autas, seminaris da spirituals sco era chasas dad orfens e da dunnas, administratur apostolic da l'uvestgieu da Bombay 1886-87, prefect da studis a la Saint-Vincent's School a Poona 1889-95. W. vala sco pedagog respectà ed impurtant missiunari da l'India.


Litteratura:
K. Thüer, Vor den Toren des Ostens, en: Antoniusbote, Pfarrblatt der Pfarrei Lantsch/Lenz, mars/matg, 1936; F. Strobel, Schweizer Jesuitenlexikon, ms., 1986, 624.

Theo Haas

lemma precedents Willi, GionWilli, Kaspar lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: