Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Scarpatetti (von Unterwegen)Scartazzini, Tommaso Andrea lemma sequent

Scartazzini, Giovanni Andrea
* 30-12-1837 a Buond, † 10-2-1901 a Fahrwangen/AG, ref., da Buond. Figl da Bartolomeo, notar, e da Clara n. Picenoni. ∞ Maria Sophia n. Lehnen, da Twann/BE. Suenter scolaziun en Bergiaglia (interrutta), ha el fatg la matura a l'Institut da las missiuns evang. a Basilea e frequentà las univ. da Basilea e Berna. Plevon en div. lieus dal chantun da Berna, alura a Suogl ed a Fahrwangen. Docent da talian a la Scola chant. a Cuira 1871-74. Sper la pastoraziun è S. sa deditgà intensivamain a l'interpretaziun da l'ovra da Dante Alighieri ed ha publitgà numerus tractats davart quella. Ses capodovra resta «La Divina Commedia [...] riveduta nel testo e commentata» (Lipsia, 1874-82). Quest commentari è vegnì modifitgà en l'ediziun scursanida (Milaun, 1893) da Giuseppe Vandelli ed è restà en questa furma per decennis il commentari da referenza. Las dumondas quant che S. ha purtà da nov e quant che Vandelli ha omess resp. quant ch'ins ha recuperà pli tard n'èn anc betg vegnidas perscrutadas.


Ovras:
Dante-Handbuch, 1892; Scritti danteschi, edids da M. Picone, J. Bartuschat, 1997.

Litteratura:
R. Roedel, Giovanni Andrea S., 1969; QGI, 71/2002, 135-55.

Remo Fasani

lemma precedents Scarpatetti (von Unterwegen)Scartazzini, Tommaso Andrea lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: