e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Casparis, Johann Anton Castaneda  Casparis, Paul * 18-9-1889 a Tavau Plaz, † 20-6-1964 ad Uttigen/BE, da Tusaun. Figl da Jacob, maister pasterner, e da Marie Louise n. Fries, da Turitg. ∞ 1) 1929 Helene n. Geiger, figlia dad Alfred, 2) 1955 Susanna Hermine n. Maibach, figlia da Friedrich, tgirunz da malsauns. Studi da farmazia a l'Univ. da Basilea, doctorat 1918. A partir dal 1927 prof. eo. a Basilea, dapi il 1932 prof. ord. da farmacognosia, chemia farmaceutica e morfologia dals medicaments a l'Univ. da Berna, rectur 1945-46. Autur da numerusas lavurs scientificas davart las substanzas vegetalas e da la galenica. Redactur scientific da la «Schweizerische Apothekerzeitung» e redactur da la «Pharmaceutica acta Helvetiae». Fundatur da l'Institut da controlla dals medicaments 1931. Comm. da la cumissiun fed. da farmacopea 1937-54. Dr.h.c. da l'Univ. da Losanna 1948 e da la SPF da Turitg 1955. Litteratura: Festschrift zum 150jährigen Bestehen des Schweizerischen Apothekervereins, edì da F. Ledermann, 1993, 72 s. François Ledermann  Casparis, Johann Anton Castaneda  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: