Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Sonder, AmbrosSontg Antönia lemma sequent

Sonderegger, Hans Konrad
* 10-10-1891 a Heiden/AR, † 3-9-1944 a Scuol, ref., da Heiden. Figl da Wilhelm, cuss. guv. da l'Appenzell Dadora, e da Susanna n. Rhyner. ∞ Maria n. Clavuot, figlia da Raduolf, da Zernez. Gimnasi a Trogen/AR, studi da teologia a Basilea, Turitg e Marburg (Hessen) 1911-16, preditgant a Lavin e Guarda 1916-20. Studi da giurisprudenza a Turitg e Berna 1920-23, dr.iur. 1923. Redactur dal «Fögl d'Engiadina» 1920, confundatur da la «Gazetta Ladina» (1921). Pratica d'advocat a Teufen/AR 1924-27, alura a Heiden. Carriera politica, tr.a. sco cuss. dals chantuns per l'Appenzell Dadora (1934-35) e sco cuss. naz. per Basilea-Champagna (1939-43). Redactur dal «Säntis», correspundent dal «Beobachter», da la «Neue Bündner Zeitung» e dal «Demokrat» ch'è daventà ses portavusch persunal a partir dal 1936 (numnà HaKa). Ses engaschament politic sa basava sin l'uschen. "economia libra" (er: economia franca; tud. Freiwirtschaftslehre) da Silvio Gesell che S. ha emprendì ad enconuscher il 1920 (terren liber - daner liber). S. è stà in dals represchentants ils pli engaschads da quel model economic. Per sia critica al frontissem ed a la politica da fugitivs pratitgada dal Cussegl fed. è el vegnì neutralisà politicamain.


Ovras:
Erbe und Verpflichtung: Aufsätze zum Zeitgeschehen, 1969.

Litteratura:
FL, 12-9-1944; Biographisches Lexikon verstorbener Schweizer 2, 1948, 41 s.; H.K. Sonderegger, HKS - Hans-Konrad S., 1991.

Thomas Fuchs

lemma precedents Sonder, AmbrosSontg Antönia lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :