Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Marmels, JonMarmels, Rudolf de lemma sequent

Marmels, Nicolaus de
† 1448 a Mustér, descendent d'ina fam. da ministerials dal Surses. Attestà l'avr. 1438 sco avat da la claustra da Faveras. Avat da la claustra da Mustér 1439-48. M. ha proseguì la politica da ses antecessur Pieder de Pultengia. Il 1440 ha el intermedià en l'allianza tr. la LG, la citad da Cuira ed ils Quatter Vitgs che garantiva a la LG l'access al commerzi sin il tschancun Cuira-Sargans, ed ha procurà per il succurs vicendaivel sin ils trajects da Landquart fin als pass da la LG vers il nord, il sid ed il vest. Quell'allianza garantiva era la tscherna libra da l'avat (sigillada il 1455). Il 1440 han ils Uranais accordà a la claustra da Mustér dretgs territorials, ed il 1441 l'han els integrada en il contract da pasch cun Milaun e dotada cun l'exemziun da dazi per products claustrals fin a Milaun.


Litteratura:
HS III/1, 497, 1014.

Adolf Collenberg

lemma precedents Marmels, JonMarmels, Rudolf de lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :