Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents BarbieriBarbieri, Giulio lemma sequent

Barbieri, Giovanni Domenico
* 14-1-1704 a Roveredo, † 13-9-1764 ad Eichstätt (Baviera), cat., da Roveredo. Figl da Bartolomeo e da Giacomina n. Comazio. ∞ Agnese Emerita n. B., figlia da Pietro. Il 1720 è B. emigrà cun Giovanni Rigaglia en Baviera, nua ch'el ha emprendì ad Eichstätt l'art da miradur tar l'architect Gabriele de Gabrieli, era el oriund da Roveredo. Represchentant il pli impurtant da sia fam. da maisters constructurs, è B. stà activ o.t. en la regiun dad Eichstätt. Tr. il 1730 ed il 1750 ha el erigì il palaz dal decanat ad Eichstätt, las baselgias da S. Georg a Bitz e da S. Andreas a Weigersdorf sco era quellas da Nassenfels, Pfahldorf, Gebelsee e Schambach. El ha era gidà a reconstruir la baselgia dals benedictins a Bergen (sper Neuburg al Danubi) e la baselgia parochiala da Spalt. B. ha relaschà notizias autobiograficas («Brevi Nottatte di mia vitta andante») dals onns 1720-63.


Litteratura:
Zendralli, I magistri grigioni; M. Pfister, Baumeister aus Graubünden - Wegbereiter des Barock, 1993; Giovanni Domenico B. (1704-1764), edì da S. Margadant, E. Braun, 1997 (cun in'ediz. critica da l'autobiogr.).

Cesare Santi

lemma precedents BarbieriBarbieri, Giulio lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: