Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Güglia, Pass dalGuicciardi, Diego lemma sequent

Guicciardi
Schlatta d'uffiziants da Tegl e da Ponte en Vuclina, attestada dapi il 12. tschientaner. Ils G. han occupà uffizis impurtants en Vuclina, p.ex. quel dal chancelier. Els eran liads tras maridaglia cun las fam. noblas las pli impurtantas da la val. Il 1498 è stà Andrea (1476-1552), pli tard era ses figl Nicolò rectur da l'Univ. veneziana a Padua. Quest ultim ha fundà la lingia ref. da la fam. G. a Tegl, a la quala las Trais Lias han cedì il 1555 l'administraziun da la prepositura a Tegl. A chaschun dal Murdraretsch en Vuclina (1620) è la fam. vegnida decimada fermamain e sfurzada d'emigrar. Il 1620 è stà il chapitani Giovanni, ens. cun Giacomo Robustelli, in dals manaders principals da la sullevaziun en Vuclina. El ha era laschà construir la villa «La Guicciarda». Represchentants da la fam. èn stads activs sco giurists, spirituals e politichers. Diego è s'engaschà il 1797 per la separaziun da la Vuclina da las Trais Lias ed il 1815, sco mess al Congress da Vienna, per l'adesiun da quella a la Lumbardia.


Litteratura:
L. Cerioni, L'archivio privato di una famiglia valtellinese e la storia delle famiglie Paini e G., en: Bollettino della Società Storica Valtellinese, 20/1967, 5-45.

Martin Bundi

lemma precedents Güglia, Pass dalGuicciardi, Diego lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :