e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Greuth, Aegidius Grisch, Andreas [Andreia]  Grigione Italiano, Il Gasetta publitgada dapi il matg 1852 a Poschiavo. Edida a l'entschatta tras la stamparia dals frars Ragazzi, dapi il 1864 tras la Stamparia Menghini a Poschiavo ch'ha surpiglià quel onn la fatschenta dals Ragazzi. Il 1892 è la stampa dal G. vegnida sistida e substituida tras «L'eco del Bernina», ma gia il 1893 ha el puspè cuntinuà a cumparair. La gasetta emnila (mintga 15 dis dal 1854-63) tractava d'in punct da vista local temas economics, socials, politics, naz. ed internaz. sco era dumondas religiusas e moralas. Fundà sco plattafurma per ideas lib., ha el adoptà pli e pli posiziuns moderadas ed è s'orientà en la perioda tr. las duas guerras mundialas vers il champ cat.-conservativ. A l'entsch. dal 21. tsch. è il fegl s'occupà surtut da temas locals ed aveva in dumber d'ediziun da 3'390 exemplars (2008), distribuids per gronda part en il Puschlav.   Litteratura: A.M. Zendralli, La stampa nel Grigioni Italiano, en: QGI, 14/1944/45, 13-20; R. Bornatico, Pubblicisti, scrittori e poeti di Valposchiavo nei Grigioni (CH), 1985, 152-65; R. Bornatico, Il G. - gazzetta valposchiavina dal 1901 al 1950, en: QGI, 57/1988, 245-67; Il G., 3-7-2002 (suppl. spez.). Cristina Besio  Greuth, Aegidius Grisch, Andreas [Andreia]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: