Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Ludwig, Daniel AugustLudwig, Heinrich lemma sequent

Ludwig, Eugen
* 2-3-1887 a Puntraschigna, † 4-5-1971 a Basilea, ref., dad Aschera. Figl da Johann Melchior, medi, e da Marie Elise n. Staub. Frar da Carl (1889-1967), prof., autur da l'uschen. Rapport Ludwig intitulà «Die Flüchtlingspolitik der Schweiz in den Jahren 1933 bis 1955» (1957). ∞ 1914 Hanna n. Kündig, da Basilea. Stud.med. a Basilea 1906-11, examen statal e promoziun a Basilea 1911, assistent a Basilea ed a Lipsia 1911-13, abilitaziun a Basilea 1913. Docent a l'Institut anatomic a Basilea 1913-22. Prof. eo. a partir dal 1922, prof. ord. e titular da la professura per anatomia normala a Basilea 1929-55, rectur 1941. Sco morfolog impurtant ha L. redigì ovras fundamentalas davart il svilup embrional da differents organs e davart l'anatomia dal tscharvè (tr.a. l'«Atlas cerebri humani», 1956) ed ha tgirà l'ediziun revedida da las lavurs dad Emil Villiger «Die periphere Innervation» (1933) e «Gehirn und Rückenmark» (1940). L. è stà in instructur e perscrutader cun ina vasta furmaziun generala, stimà e respectà per sia exactadad e ses sentiment da giustia.


Archiv:
StABS, relasch.

Litteratura:
NDB 15, 430 s.; In Erinnerung an Eugen L.-Kündig, [1971] (Museum d'anatomia, Basilea).

Hugo Kurz

lemma precedents Ludwig, Daniel AugustLudwig, Heinrich lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: