Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents JöhJon Nüvlitsch lemma sequent

Johannes von Ilanz
Avat da Mustér dal 1367-1401, numnà filius domini Enzii Maradie. Suenter l'assassinat da ses predecessur, Jakob Buchhorn, tras glieud da la Chadé e l'incendi da la claustra e da la baselgia (1387), ha J. restaurà la claustra. El ha revocà la concessiun contestada da las minieras da Medel ad abitants da la Svizra Centrala ed ha dublà il 1371 il pegn als Blegnais per las alps claustralas sin il Pass dal Lucmagn, nua ch'el ha fundà il 1374 in ospizi. Il 1376 ha el confermà in'allianza da transit tr. la Cadi e la Val dal Blegn, rinforzond il moviment com. (participaziun dal mastral e dals ministerials); il 1395 è el stà in dals confundaturs da la Lia Sura/Lia Grischa (dals signurs) a Glion (amplifitgada il 1424 a Trun). Cun la Cadi èsi reussì a J. il 1401 da liberar la claustra da l'avugadia dals Werdenbergs.


Litteratura:
Müller, Abtei Disentis, 48-53; HS III/1, 496; L. Deplazes, Zum regionalen Handel und Verkehr an der Lukmanier- und Oberalproute im Spätmittelalter, en: Geschichte und Kultur Churrätiens, edì dad U. Brunold, L. Deplazes, 1986, 409-39.

Ursus Brunold

lemma precedents JöhJon Nüvlitsch lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: