Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents MairaMaissen, Alfons lemma sequent

Maissen
Veglia schlatta da la Cadi a Trun, Sumvitg, Breil e Mustér. L'emprim exponent attestà è il pader Nikolaus (de Missen, Missenus), menz. a Mustér il 1348. Ils frars Heinrich e Hans da Trun han acquistà il 1394 in feud claustral. Raget, menz. il 1425, è stà derschader da cumpromiss ed avugà ecclesiastic a Trun. A Sumvitg han ils M. fatg part da las fam. dirigentas en il 16. e 17. tsch. cun Gilli, Gilli, Clau, Adalbert (1653-1741), ses figl, giuncher e mastral dal cumin 1692-93 e 1714-15, e Giachen, il cusrin dad Adalbert e mastral 1688-89. In figl dad Adalbert, Benvenutus Joseph Flurin, è il progenitur dal rom represchentà dals frars Alfons, Augustin e Flurin. Ad autras lingias appartegnan Giusep, Felici e Toya. In segund figl, Anton Nicolaus Modest, è stà en servetsch da la curt da Versailles. Il figl da quest ultim, Louis Charles de Meissen (1737-1802), è daventà Receveur général des aides du domaine de Versailles.


Litteratura:
Schweizerisches Geschlechterbuch 12, 1965, 79-112; A. Maissen, Prominents ord la vischnaunca da Sumvitg 1450-1950, en: Annalas, 92/1979, 31-50.

Felici Maissen

lemma precedents MairaMaissen, Alfons lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: