e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Agentura da Novitads Rumantscha (ANR) Agnas, Las  Agid svizzer per la muntogna (ASM) L'onn 1942 ha la Conferenza naz. svizra per lavur sociala decidì da coordinar la lavur da las organisaziuns svizras d'agid per regiuns da muntogna e creà il 1943 ina cumissiun sco organ executiv, enconuschent dapi il 1944 sco Agid per la muntogna (AM), dapi il 1953 sco ASM. Cun il retgav da las emprimas collectas han ins cumprà vestgadira, pajà gentars a scolaras e scolars e finanzià tr.a. curs da scolaziun. Suenter la guerra ha l'ASM cuntinuà sia lavur da sustegn en favur da l'agricultura da muntogna per franar la depopulaziun. En il center steva e stat il sustegn a fam. da purs (sanaziuns e construcziuns da chasas e clavads, da vias d'access, meglieraziuns, acquists da maschinas e.a.). Cun il temp ha l'ASM augmentà sias contribuziuns a projects com. e regiunals specifics (provediment d'aua e.a.). L'ASM vegn alimentà da donaziuns, legats ed iertas da persunas privatas. Davart la repartiziun da las contribuziuns (total 28,6 miu. frs il 2006, 7,9 miu. frs per total 216 projects grischuns) decida sia suprastanza che vegn cussegliada d'experts en uffizi d'onur. Organ da publicaziun: «Berghilf-Ziitig». Novs statuts 1989. L'ASM è dapi il 2004 ina fundaziun. Litteratura: Berghilf-Ziitig (cun rapp. annuals). Rolf Maurer  Agentura da Novitads Rumantscha (ANR) Agnas, Las  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: