Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Keller, HeinrichKettnaker, Max lemma sequent

Kesselbrief
Il Kesselbrief era ina lescha stipulada ils 25-10-1570 da las Trais Lias per cumbatter la cumpra d'uffizis (l'uschen. pratitgar), la cumpra da vuschs e la corrupziun. Las Lias e la Dieta fed. avevan gia empruvā da cumbatter talas praticas cun decrets che scumadavan d'acceder ad uffizis publics u da giudair auters avantatgs cun cumprar vuschs, far regals, empermischuns u invitaziuns a pasts da festa. Il Kesselbrief pretendeva da mintga mess (deputā a la Dieta fed.) ch'el engiria d'esser vegnė elegė senza corrupziun ed intrigas e ch'era el sez na veglia corrumper nagin. En pli stuevan ils uffiziants ed autras persunas activas en la politica engirar da betg acceptar u far regals per caricas u delegaziuns diplomaticas ni da sa servir d'autras intrigas. Cuntravenziuns vegnivan quittadas cun la perdita da l'onur e da la facultad. Il num Kesselbrief renviescha eventualmain a la gronda chaldera (tud. Kessel), en la quala ils uschen. pratitgants, quels che cumpravan uffizis, preparavan lur tschaveras, el po perō era derivar dal pled tud. kesselen, v.d. vagabundar (campagnas electoralas per cumprar uffizis). Questa lescha ha gė mo pauc effect en la pratica.


Litteratura:
C. Jecklin, Urkunden zur Verfassungsgeschichte Graubündens, en: JHGG, 1884, 113-15.

Martin Bundi

lemma precedents Keller, HeinrichKettnaker, Max lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: