Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Jenny, JohannJenny, Rudolf lemma sequent

Jenny, Josias
* 29-4-1920 ad Arosa, † 24-11-1989 a Köniz/BE, ref., da Prada. Figl da Valentin, emploià da viafier, e da Maria n. Sutter. Nubil. J. ha emprendì d'uffant a moda autodidactica a sunar l'orgelet da maun ed ha gì durant diesch onns instrucziun da violina. Scola chant. a Cuira 1936-39. Emploià commerzial. Musicant en la chapella Edy Capun ad Arosa. Noviz al radio 1938, confundatur da la chapella da musica populara bernaisa (stil da Jenny) 1939, sunader da quartet e quintet (tr.a. cun Luzi Bergamin). Turnea en la Gronda Britannia 1950 ed emprim premi da solist a la Festa internaz. da musica populara. Confundatur e comm. da la chapella Zoge n'am Boge 1955. Tr. il 1938 ed il 1977 ha J. concertà cun div. furmaziuns en numerusas parts dal mund, tr.a. era a Paris (1961) ed en la New York Radio City Hall (cun Karli Oswald e Therese Wirth-von Känel). El è l'innovatur principal da la furmaziun grischuna odierna. Possessur d'ina ritga collecziun fonografica e cumponist da var 130 tocs, tr.a. «Piste frei» e «Dä gaht i d'Bei». Premi da renconuschientscha dal chantun da Berna 1983.  


Ovras:
Josias J. spillt uf am Schwyzerörgali syni Musik [disc cumpact], 1988.

Litteratura:
E. Roth, Lexikon der Schweizer Volksmusikanten, 1987, 87 s.

Adolf Collenberg

lemma precedents Jenny, JohannJenny, Rudolf lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: