e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Rinck (von Baldenstein)
Ils origins da la fam. da noblezza stattan prob. en connex cun il chastè da Ringgenberg (Zignau) e cun ils baruns bernais cun il medem num, attestads en Rezia a partir dal 1283. Il 1394 ha l'abadessa da Müstair, Lucia II R. († suenter il 1398), laschà cumponer in urbari claustral. En il 15. tsch. eran ils R. en possess da div. chastels, il num dals quals è alura vegnì agiuntà a lur num da fam.: enturn il 1410 Baldenstein, pli tard Campell ed Unter-Tagstein/Masagn, il 1428 Chischlatsch/Falera. Sco avugads episcopals han els possess a partir dal 1454 en pegn il chastè da Hochjuvalt, dal 1477-1521 il chastè da Rapertg, ed en ils onns 1421-28, 1496-99 e 1510-24 residiavan els sin il chastè dad Alt-Aspermont. Dal 1439-66 èn els stads landfocts a Farschno. En ils onns 1450 han ils R. manà ils da Schons en la faida cunter ils conts de Werdenberg-Sargans. Il 1499 è stà Wilhelm chapit. a la Chalavaina. En il 16. tsch. han ils R. vendì il chastè da Baldenstein ed han bandunà il Grischun. Kaspar, natiralisà il 1520 a Schaffusa, è stà il 1515, Jürg il 1524 chapit. episcopal sin la Fürstenburg en il Vnuost. Johann è stà podestat a Traona dal 1533-35. Katharina è stada dal 1533-48, Sibylla (zu Tagstein) dal 1597-99 abadessa da la claustra da Müstair. Singuls exponents dals R. èn entrads en servetsch da l'abazia da S. Gagl.
Litteratura:
P.C. von Planta, Die R., s.o. (ms. en la BCGR); Clavadetscher/Meyer, Burgenbuch, 198.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Rimathé, Domenic