e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Planta, Louis von
* 15-3-1917 (Ludwig Fortunat) a Turitg, † 19-8-2003 a Basilea, ref., da Susch e Basilea. Figl da Fortunat Otto, uffizier d'instrucziun ed industrial da textilias (a partir dal 1918), e da Christina Marguerite n. Riggenbach. ∞ 1944 Anne-Marie n. Ehinger. Gimnasi umanistic a Basilea, stud.iur. a Basilea, promoziun al dr.iur. ed examen d'advocat 1939. Partenari en in biro d'advocatura e notariat da Basilea 1946-67. Comm. dal cussegl administrativ da la Geigy SA 1965, vicepres. 1967, pres. 1968; delegà dal cussegl administrativ da la Ciba-Geigy 1970-87, pres. 1972-87. Pres. da la chombra da commerzi da Basilea 1969-76, pres. da la Societad svizra d'industria chemica 1975-76, pres. da l'avantlieu 1976-87. P. è stà l'architect da la fusiun da la Ciba cun la firma Geigy ed ha contribuì, grazia a sias ritgas experientschas e relaziuns, en maniera decisiva a las preparaziuns per l'incorporaziun da la Ciba e Sandoz en la Novartis (1996). Dr.rer.nat.h.c. da l'Univ. da Friburg 1973, Premi d'amicizia da l'American-Swiss-Association 1986.
Archiv:
Archiv da la firma Novartis, Basilea; StABS, pled da funeral.
Walter Dettwiler
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| | |
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Planta, Leonarda von