e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Hewen, von Hildibald  HIGA Acronim da la Handels-, Industrie- und Gewerbeausstellung a Cuira, fundada il 1957 sin iniziativa da Leonhard Dosch-Porret, garagist, Ernst Klötzli, ustier, Josef John, directur d'ina bieraria ed Arthur Schmidt, proprietari d'ina resgia. Il 1962 ha Ueli Engel surpiglià cun ses frar Toni il secretariat, il 1968 la direcziun da la HIGA, dapi il 1999 maina Marco Engel (figl dad Ueli) la gestiun. La HIGA ha lieu mintgamai il matg durant 10 dis (a partir dal 2009 6 dis e mez) e vegn purtada ed organisada dapi il 2002 da l'Expo Cuira SA. Entaifer ils emprims 50 onns è il dumber d'expositurs creschì da 74 a 250, la surfatscha d'exposiziun da 4'000 a 15'000 m² ed il dumber da visitaders da 15'000 a ca. 75'000 (record: 94'000 il 1986). La valur agiuntada annuala importa ca. 30 miu. frs. La HIGA ha servì da model a las numerusas exposiziuns regiunalas dal Grischun e d'utrò. Adolf Collenberg  Hewen, von Hildibald  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: