e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Societad istorica dal Grischun (SIG) Societad Retorumantscha (SRR)  Societad per la perscrutaziun da la cultura grischuna (SCG) Fundada il 1985 a Cuira cun la mira da promover la lavur scientifica relativa al Grischun tras la creaziun dad ina instituziun per la perscrutaziun en il chantun Grischun: l'Institut per la perscrutaziun da la cultura grischuna (ICG). La SCG vegn purtada da passa 600 comm. singuls e collectivs (2008) e sustegnida da la Confed., dal chantun Grischun e da numerusas vischnancas. Ella promova, en collavuraziun cun las universitads, lavurs da perscrutaziun da l'istorgia e dal temp preschent da las differentas culturas grischunas, edescha la revista «Bündner Monatsblatt» e collavura cun instituziuns cumparegliablas en las regiuns vischinantas ed en l'exteriur cunfinant. Per l'accumpagnament professiunal dals projects pissera in cussegl da perscrutaziun consistent da docents da las universitads svizras. In post extern da l'Institut, che garantescha la colliaziun cun las regiuns perifericas rum. e tal., è vegnì fundà il nov. 2005 a Segl. Ils accents principals da la retschertga e da la promoziun furman l'istorgia grischuna ed il plurilinguissem grischun: etnologia, istorgia da l'art, vita da la musica dal Grischun, edifizis e colonisaziun. Ils resultats vegnan preschentads a la publicitad en furma d'exposiziuns, preschentaziuns da cudeschs, referats e discussiuns publicas. Privilegiada vegn la promoziun da projects da la generaziun giuvna. Per il 1-1-2008 ha la SCG surdà la direcziun da l'ICG a la Fundaziun per la perscrutaziun da la cultura grischuna. Organ da la SCG: «Mitteilungen». Litteratura: Mitteilungen/Verein für Bündner Kulturforschung, 1991-. Adolf Collenberg  Societad istorica dal Grischun (SIG) Societad Retorumantscha (SRR)  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: