e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Brosi, Johann Rudolf Brosi, Rudolf  Brosi, Richard * 8-5-1931 a Cuira, + 11-4-2009 a Turitg, ref., da Claustra. Figl da Peter, emploià da banca, e da Margaretha n. Dolf, dad Eigias. ∞ Liliana n. Manenti, manadra da la galaria d'art Studio 10 a Cuira dapi il 1975, da Trent. Gimnasi a Cuira, studi a la SPF a Turitg, diplom d'architect 1958, perfecziunament ulteriur ad Amsterdam. Agen biro d'architectura a Turitg e Cuira dapi il 1960, biro communabel cun Kurt Gahler e Hermann Masson 1994-2004. Domicilià a Cuira dapi il 1968. Represchentant d'ina architectura che situescha il stil modern en il context muntagnard tras l'interacziun orizontala e verticala dals spazis. B. applitgescha la colur sco element impurtant en l'architectura. Questa concepziun sa manifesta p.ex. en las scolas dad Avras-Cresta (1965) e da Sta. Maria en Val Müstair (1972) sco era il cuvriment cun tetg da la staziun d'autos da posta a Cuira (1993). Las arcadas cun implants da sport a Tavau (1984) represchentan l'idea da l'ornament modern. Numerus premis, tr.a. la Distincziun architectura Grischun 1994. Litteratura: ALS, 97 (cun litt. e reg. d'ovras). Adolf Collenberg  Brosi, Johann Rudolf Brosi, Rudolf  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: