e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Saas Sacchi [Sacki], Johann Anton  Sablonier, Roger * 16-4-1941 ad Uster, † 8-6-2010 a Zug, ref., dad Uster e Cauco. Figl da Carlo Demetrio, miradur, e da Maria Ida n. Wunderli. ∞ 1) Elsbeth n. Gräflein, 2) Beatrice n. Sutter. Studi d'istorgia, d'istorgia da la lingua franz. e da filologia lat. medievala a las univ. da Turitg, Paris e Barcelona. Dr.fil. a Turitg 1967 («Krieg und Kriegertum in der Cronica des Ramon Muntaner», cumparì il 1971). Primassistent al Seminari d'istorgia a Turitg 1972-79, habilitaziun 1977. Prof. eo. d'istorgia dal temp medieval a partir dal 1979, prof. ord. a l'Univ. da Turitg 1984-2006. Sin il champ da la perscrutaziun è S. s'interessà per l'istorgia da la noblezza e da la societad rurala dal temp medieval tardiv, per la cultura politica da la Veglia Confederaziun e per las furmas scrittas. El è stà l'iniziant dal project "Ad fontes" (curs interactiv online per lavurs d'archivaziun) ed ha dirigì il project da perscrutaziun davart l'Acziun uffants da la via da la Pro Juventute. S. è s'engaschà o.t. era en il discurs davart la cultura istorica actuala ed en l'implementaziun da la perscrutaziun istorica en exposiziuns e museums. El ha accumpagnà cun elan la reorganisaziun da l'archiv da la claustra da Nossadunnaun. S. è stà blers onns comm. e dal 1998-2008 pres. dal cussegl da perscrutaziun da la Societad per la perscrutaziun da la cultura grischuna (SCG). El ha scrit per il «Handbuch der Bündner Geschichte» (2000) il chap. "Politik und Staatlichkeit im spätmittelalterlichen Rätien" ed ha influenzà fermamain il concept da quest manual ed avert cun sia contribuziun "Graubünden um 1500" (2001) ina nova vista grischuna sin las Guerras svabaisas dal 1499. Ovras: Adel im Wandel, 1979 (2000²); Innerschweizer Gesellschaft im 14. Jahrhundert, en: Innerschweiz und frühe Eidgenossenschaft 2, 1990, 11-233; Das Hilfswerk für die Kinder der Landstrasse, 1998 (ens. cun W. Leimgruber, T. Meier); Gründungszeit ohne Eidgenossen, 2008. Litteratura: NZZ, 10-6-2010; Mitteilungen SCG, 2011, nr 11, 12 s.. Bruno Meier  Saas Sacchi [Sacki], Johann Anton  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: