e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Brun, Toni Brunner, Hans  Brunies, Steivan * 18-2-1877 a Cinuos-chel, † 12-3-1953 a Basilea, ref., da Claustra e Basilea. Figl da Henry, anteriur chava-aur en la California ed en la Columbia Britannica, e da Catrina n. Barth, da S-chanf. Seminari scolastic a Cuira, studis da zoologia e botanica a Breslovia ed a la SPF a Turitg, dr.sc.nat. Mag. da scola media a Trogen/AR, Wintertur, Turitg, Berlin-Pankow e, dal 1908-41, al gimnasi real a Basilea. Secretari da la Lia svizra per la protecziun da la natira 1909-35, fundada il 1909 (oz Pro Natura). Confundatur (1914) e guardian superiur dal Parc Naziunal Svizzer 1914-41, cassier da la cumissiun fed. dal PNS. Cumbattant impurtant per la protecziun da la natira ch'el ha recumandà o.t. era a la giuventetgna. Merits spez. sin il champ da la collecziun da veglia musica populara en l'Engiadina. Ovras: Die Flora des Ofengebietes, 1906; Der Schweizerische Nationalpark, 1914 (19484; transl. en tal. e franz.); Il Parc nazionel sün terra ladina, 1919. Litteratura: Chal. ladin, 1953, 76-78; 2007, 117-20 (cun purtret ed ill.); Schweizer Naturschutz, 19/1953, 32 s. Martin Bundi  Brun, Toni Brunner, Hans  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: