e-LIR / Lexicon Assistenza e-LIR Contact Publicaziuns Links Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bühler, Peter Theophil Bühler [Püchler, Püehler], Andreas  Bühler, Valentin * 23-6-1835 ad Eigias, † 30-4-1912 a Cuira, ref., da Tavau. Figl da Christian, reverenda, e da Barbara n. Rofler, figlia da Valentin, landamma. Frar da Peter Theophil. ∞ Elisa Henriette Sophia n. Förster, da Heidelberg. Stud.iur. a Basilea, en Germania (Heidelberg, Lipsia, Berlin, Göttingen) ed a Turitg. Advocat e funcziunari chant. a Cuira 1862-68, alura advocat ed hotelier a Heidelberg. Return a Cuira, nua ch'el è daventà derschader inquisitur suppleant. Il 1862 ha B. inizià ina vasta rimnada da materialias davart la lingua e la tradiziun dals Gualsers en il Grischun. L'ovra «Davos in seinem Walserdialekt», publitgada en fascichels tr. il 1870 ed il 1886, è (cumbain incumpletta) stada ina lavur da piunier ch'ha dentant chattà pauca attenziun. Autur da poesias patrioticas, tr.a. «Laus Benedicti Fontanae» (1874) ed «In Memoriam. De pyromanubalistariorum Helvetiorum certamine [...]» (1891). Litteratura: P. Zinsli, Das Bündnerdeutsche in der schweizerdeutschen Sprachforschung, en: Rätia, 4, 1940/41, 165-74 (fotogr. 203). Niklaus Bigler  Bühler, Peter Theophil Bühler [Püchler, Püehler], Andreas  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :