Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Bühler [Püchler, Püehler], AndreasBuldet, Menisch [Dominicus] lemma sequent

Bührig, Marga
*17-10-1915 a Berlin, † 13-2-2002 a Binningen/BL, ref., burgaisa tud., da Veulden e Turitg a partir dal 1934. Figlia da Wilhelm, econom, e da Wanda n. von Weyssenhoff, scriptura. Nubila. Scolas a Cuira 1926-34, studi da germanistica a l'Univ. da Turitg, dr.fil. 1939, alura studi da teologia ed a medem temp scolasta auxiliara en scolas medias. Il 1945 ha ella fundà a Turitg ina chasa per studentas refurmadas. Collavuratura al terz Congress svizzer da las dunnas 1946, confundatura da la Federaziun svizra da las dunnas prot. 1947, alura redactura da la revista «Die Evangelische Schweizerfrau». Activa per l'Exposiziun naz. svizra da la lavur da dunnas (Saffa) 1958. Suprastanta da la Lia da las societads svizras da dunnas 1959-64. Emploiada en il center d'inscunters evang. a Boldern a partir dal 1959 (directura 1971-81). B. ha participà a div. conferenzas ecumenicas mundialas ed ha fatg part dal presidi dal Cussegl ecumenic da las baselgias dal 1983-91. La represchentanta impurtantada la teologia feministica ha publitgà numerusas scrittiras davart temas politics e religius ed è s'engaschada en moviments a favur da la pasch e da las dunnas. Dr.h.c. da la facultad evang.-teologica da l'Univ. da Basilea 1998.


Ovras:
Spät habe ich gelernt, gerne Frau zu sein, 1987.

Litteratura:
Wegzeichen gelebten Evangeliums, edì da M. Strub-Jaccoud, H. Strub, 1985 (cun reg. d'ovras); Sottosopra - die lustvolle Geschichte der weiblichen Freiheit [film], reschia: G. Schärer, 2001; NZZ, 18-2-2002; BJb, 2005, 145-48.

Regula Ludi

lemma precedents Bühler [Püchler, Püehler], AndreasBuldet, Menisch [Dominicus] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :