e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Bundi, Martin
* 19-10-1932 a Sagogn, ref., da Sagogn. Figl da Gion, maister scrinari, e dad Anna n. Cahenzli. ∞ Käthe n. Mittner, da Braggio. Seminari scolastic a Cuira (patentà 1952), studi da mag. secundar e d'istorgia a l'Univ. da Turitg, dr.fil. 1963. Mag. al Seminari scolastic a Cuira 1965-97, vicedirectur 1966-76. Cuss. da la citad da Cuira 1972-75, cuss. naz. 1975-95 (pres. 1985-86), comm. da la PS. Pres. da la cumissiun per la scienza e la retschertga 1980-81, da la cumissiun militara 1984-85, da la cumissiun da la politica exteriura 1990-91 e da la delegaziun parlamentara en l'Organisaziun per segirezza e cooperaziun en Europa (OSCE) 1993-95. Sin il champ sociocultural è el stà pres. da la Renania 1965-71, da la secziun grischuna da la Pro Senectute 1983-89 e da la cumissiun fed. dal Parc Naziunal Svizzer 1991-2000. Comm. da la cumissiun directiva dal Forum Helveticum e da la cumissiun da l'Associaziun svizra da las convenziuns da Helsinki (1988-91). Redactur dal «Lexicon Istoric Retic» 1988-91. Autur da numerusas lavurs da perscrutaziun multifaras davart l'istorgia dal Grischun e dals pajais cunfinants, tr.a. «Zur Besiedlungs- und Wirtschaftsgeschichte Graubündens im Mittelalter» (1982) e «Frühe Beziehungen zwischen Graubünden und Venedig, 15./16. Jahrhundert» (1988).
Ovras:
Die Aussenbeziehungen der Drei Bünde, en: HbBG 3, 173-202; Gewissensfreiheit und Inquisition im rätischen Alpenraum, 2003.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Bundi, Jakob