e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Cantieni, Armon * 10-9-1907 a Wintertur, † 8-9-1962 a Cuira, ref., da Pignia. Figl da Robert. ∞ Anna n. Klaas. Seminari scolastic a Cuira. Studis da clavazin (tar Alfred Cortot) e da cumposiziun (tar Nadia Boulanger) a Paris 1926-27 ed als conservatoris da Turitg e da Basilea 1927-35. Magister da musica a la Scola chant. ed al Seminari scolastic a Cuira a partir dal 1937. C. è stà durant blers onns dirigent, organist e pianist da concert. El ha cumponì numerusas chanzuns rum. per l'instrucziun en scola e per chors maschadads che stattan en la tradiziun da la chanzun chorala tudestga. Sia ritga ovra cumpositorica cumpiglia tr.a. ovras vocalas pli grondas («Psalm 146» per chor viril ed orchester, mottetta «Jubilate Deo») sco era cumposiziuns per orgla e clavazin (suita «A la riva da l'En», «Introduktion», «Choral und Fuge»).
Litteratura: BJb, 1963, 156-58; J.C. Arquint, Zum hundertsten Geburtstag von Armon C., en: BJb, 2007, 139-47.
Kurt Wanner
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|