Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Commerzi da salCondrau, Augustin lemma sequent

Condrau
Schlatta grischuna da la Cadi, attestada enturn il 1500 a Breil e Lags, tr.a. cun il num Coray. Gion Fidel, da Tujetsch, è sa domicilià a Mustér il 1803 ed è stà l'emprim represchentant da la fam. ch'è daventà mastral da la Cadi il 1814. Ses figl il pli vegl, Augustin, ha fundà la lingia dals medis, a la quala appartegna era Gion. L'emprim figl dad Augustin, cun il medem num (1846-1928), è stà medi e pres. dal Cussegl grond (1903) ed ha laschà construir l'Hotel Disentiserhof. Il figl il pli giuven da Gion Fidel, Placi, ha fundà il 1856 la Stamparia C. e la «Nova Gasetta Romonscha» («Gasetta Romontscha») ch'è passada suenter sia mort il 1902 a Giachen Giusep, il 1922 a Giusep, il bab da Pius, exponents da la lingia dals redacturs. Sco titulars d'auts uffizis politics (mastrals, cuss. guv. e naz.) e cun la pussanza publicistica da lur gasetta e da la stamparia C., han omaduas lingias influenzà fermamain la politica dals partisans cat.-cons. dal Grischun dapi ils onns 1850/60. Ils C. han uschia pudì preparar sin il plaun publicistic la vieuta conservativa en la Surselva dal 1881, a quint dals Catolic-liberals, e francar e mobilisar l'uschen. Lavina nera. Suenter il 1970 è lur influenza politica sa diminuida. Il 1993 è la Stamparia C. passada a la Gasser SA a Cuira (actualmain: Südostschweiz Medien).


Archiv:
Afam., Mustér; BCGR, geneal., ms.

Litteratura:
G. Gadola, Il Cumin della Cadi, en: Il Glogn, 18/1944, 31-125.

Adolf Collenberg

lemma precedents Commerzi da salCondrau, Augustin lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: