Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents DaziDecurtins, Balthasar (Anton) lemma sequent

Decurtins, Alexi
* 20-11-1923 a Trun, cat., da Trun. Figl dad Alexander, commerziant, e dad Anna n. Fontana, da Salouf. ∞ 1954 Leonie n. Tuor, figlia da Leonard, cumiss, da Trun. Gimnasi a Mustér, studis da romanistica a Turitg, Perugia e Paris 1944-50, dr.fil. 1958 tar Jakob Jud («Zur Morphologie der unregelmässigen Verben im Bündnerromanischen»). Redactur dal «Dicziunari Rumantsch Grischun» a partir dal 1956 (chauredactur 1975-88). Lectur dapi il 1957 e prof. titular 1969-88 da lingua e cultura rum. a l'Univ. da Friburg, dasperas incumbensas d'instrucziun a l'Univ. da Turitg. D. ha redigì ens. cun Ramun Vieli in «Vocabulari romontsch surs.-tud.» (1962) ed in «Vocabulari romontsch tud.-surs.» (1975). Il 2001 ha el publitgà cun ses «Niev vocabulari romontsch surs.-tud.» in vast manual dal surs. che amplifitgescha, augmenta ed approfundescha en blers reguards la lexicologia rum. e surs. tradiziunala. D. è s'occupà en numerusas ulteriuras publicaziuns da la lexicografia, l'onomastica e l'istorgia da la lingua e cultura rumantscha. Premi grischun da cultura 1991.


Ovras:
Rätoromanisch: Aufsätze zur Sprach-, Kulturgeschichte und zur Kulturpolitik, 1993; Viarva romontscha, 1993.

Litteratura:
Gas. Rom., 18-11-1988 (suppl. spez.).

Clà Riatsch

lemma precedents DaziDecurtins, Balthasar (Anton) lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: