Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents AdulaAerni, Ulrich lemma sequent

Advocat
Term che deriva dal lat. advocatus (rum. avuà, ugau, guia) e che appartegneva oriundamain a la dretgira penala en las funcziuns las pli div.: survegliader/custos (tud. Gäumer, lat. judicio censorio), derschader ed inquisitur/procuratur, portaplant/accusader che manava l'inquisiziun, ens. cun l'agent. La significaziun actuala cumpara pir vers la fin dal 18. tschientaner. Ils vegls cumins designavan il cussegliader giuridic resp. il represchentant davant dretgira sco mussader (era pledader, bistand). La noziun rum. abolt, aboll, avolt, ambolt (tud. Anwalt) designava, sco il gerau/jürader, in defensur, garant dal dretg (civil e criminal). Sco uffiziant communal tr.a.: ambold, aboll da god/gerau da zappuns.


Funtaunas:
FDR.

Litteratura:
Pult, Ämter und Würden, 408; DRG 1, 63, 111; Grimm, Aristokratie, 135-62.

Adolf Collenberg

lemma precedents AdulaAerni, Ulrich lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :