Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CentenaChalavaina lemma sequent

Centrala grischuna da dunnas
Fundada ils 1-4-1939 a Cuira sin iniziativa da l'Associaziun grischuna da las dunnas (fund. il 1919), numnadamain da Paula Jörger (pres. 1939-64), Magda Lardelli-Brenner e Christine Zulauf. Organisaziun da tetg da las uniuns da dunnas, politicamain e confessiunalmain neutrala. L'intent da la Centrala grischuna da dunnas è da stabilir ina colliaziun tr. las dunnas e las uniuns da dunnas en il Grischun, da defender ils interess da las dunnas en la politica e societad e d'ademplir incumbensas cuminaivlas. Servetsch da cussegliaziun per dunnas ed umens en basegn. Dapi il 1955 cusseglia la Centrala grischuna da dunnas era en dumondas da dretg e da finanzas ed è actualmain era il post da consultaziun per dumondas d'egualitad en la vita professiunala e l'instituziun da contact generala per las instanzas politicas. Cun in'offerta da curs variada promova ella la furmaziun da las dunnas. Il 1939 ha la Centrala grischuna da dunnas gidà ad instituir il servetsch auxiliar feminin civil e pli tard era quel militar en il Grischun. Suenter la guerra è ella s'engaschada per la tgira a chasa e per la furmaziun correspundenta da mattas. Commembranza 2007: 500 comm. singulas e 84 collectivas. La suprastanza da la Centrala grischuna da dunnas consista da set comm. en uffizi d'onur e vegn finanziada dal Chantun e tras donaziuns. La Centrala grischuna da dunnas collavura stretgamain cun il Servetsch da cussegliaziun per dumondas da lavur e da professiun (antruras Servetsch da cussegliaziun per dumondas d'egualitad).



Litteratura:
TG, 1999, nr 6, 77-79.

Adolf Collenberg

lemma precedents CentenaChalavaina lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: