Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Collegium HelveticumColonisaziun lemma sequent

Collegium Philosophicum
Suenter che la Scola Nicolai è vegnida serrada il 1680 - las Lias e las vischnancas partenarias na pajavan betg pli contribuziuns - ha la citad da Cuira avert in'atgna scola da lat. cun trais classas. Tras sia disposiziun testamentara dal 1695 ha Johann Abys garantì la finanziaziun da basa era da las classas superiuras, colliada cun la cundiziun d'ina admissiun era da students catolics. La finanziaziun restanta è vegnida garantida tras numerus legats e donaziuns (registrads en il «Nestelbuch» da la citad). Saturnin Zaff è stà l'emprim rectur dal Collegium Philosophicum (1697) ch'era integrà en l'ala ost da la Scola Nicolai. Ils scolasts dal Collegium Philosophicum eran exclusivamain plevons, cun excepziun dal medi Nicolaus Zaff. La fusiun da la scola cun il Seminari a Lantsch Sut, planisada en ils onns 1760, è reussida gist uschè pauc sco ina refurma rad. dals roms en ils onns 1770. Il 1804 ha il Collegium Philosophicum fusiunà cun la Scola chantunala evang., ed il 1843 è el vegnì schlià formalmain. La scola correspundenta da vart cat. era il Seminari pitschen da la curt episcopala (ina scola da lat.).


Litteratura:
F. Jecklin, Das C. in Chur und seine Studenten, en: BM, 1914, 165-86; P. Gillardon, Das C. in Chur im 18. Jahrhundert, en: JHGG, 1942, 1-44.

Adolf Collenberg

lemma precedents Collegium HelveticumColonisaziun lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :