Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Arpagaus, AluisArpagaus, Gion Barclamiu lemma sequent

Arpagaus, Gion Antoni
* 23-8-1815 a Sumvitg, † 8-8-1885 a Sumvitg, cat., da Sumvitg. Figl da Pieder Paul e dad Anna Maria Antonia n. Tgetgel, da Sumvitg. ∞ Maria Catrina n. Tuor, da Rabius. Gimnasi a Mustér e Cuira, collegi dals gesuits a Friburg. Stud.iur. a Minca 1838-39. Deputà dal cumin da la Cadi 1841-47, 1857-59, 1862-63, 1865-66. Mastral 1844-47. Aderent da la Lia separatista dal 1847. A. ha participà, ens. cun ils anteriurs mastrals da la Cadi, Hans Giachen Gieriet e Gion Christian Venzin da Tujetsch, a la Conferenza da Rueras dals 11-11-1847, convocada da Fidel Cavelti da Sagogn, cumandant da la Lia separatista ad Ursera. Tractandas principalas da quella conferenza: furniziun da muniziun, marsch dals Sursilvans a Cuira, cupitga da la Regenza. La fin da dec. 1847 è A. vegnì relaschà sco deputà e mastral, ed il matg 1848 è el vegnì arrestà ed accusà, ens. cun sis auters, tr.a. da tradiment da la patria. Gia ils 7-11-1848 ha dentant il Cussegl grond concedì ad els amnestia.


Litteratura:
A. Maissen, Prominents ord la vischnaunca da Sumvitg 1450-1950, en: Annalas, 95/1982, 35-40; I. Berther, Pro deo et patria. Die Sonderbundswirren im Bündner Oberland [...], lic. Turitg, 1999.

Adolf Collenberg

lemma precedents Arpagaus, AluisArpagaus, Gion Barclamiu lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :