Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Dolf, TaniDolomitas lemma sequent

Dolf, Tumasch
* 31-7-1889 a Maton, † 3-10-1963 a Tusaun, ref., da Maton. Figl da Benedetg e da Mengia n. Michael, da Maton. ∞ Berta n. Plattner, da Langenbruck/BL. Seminari scolastic a Curia, patentà il 1908, diplom per musica da scola a l'Univ. da Turitg 1921. Mag. primar a Donat 1908-12, mag. secundar a Ziràn fin il 1927, a Tumein fin il 1952 e puspè a Ziràn fin il 1956. Autur da div. chanzuns per chor maschadà, tenor texts da scripturas e scripturs rumantschs. Fitg bleras da quellas èn publitgadas en ils cudeschs da chanzuns «Surselva», «Guardia Grischuna» e «Laudinella».
Il 1930 èn cumparidas sias «Canzuns religiusas». Las pli popularas èn daventadas sias cumposiziuns «Allas steilas» (1913, text: Alfons Tuor) ed il gieu cun chant «La stiva da filar» (1924). D. ha era scrit div. istorgias curtas davart la vita e las isanzas en il Schons («La tradiziun da Schons», 1930; «Istorgias», 2 ts, 1954-59). Dasperas è el stà activ en la Societad svizra per la tradiziun populara sco era en las redacziuns da la «Crestomazia», dal «Dùn da Nadal» e dal «Calender per mintga gi». Confundatur (1917) da l'Uniun rum. da Schons e pres. da quella fin il 1920. D. è il pli impurtant collecziunader da chanzuns en tut ils idioms rum. ed in dals cumponists rum. ils pli populars. Comm. d'onur dal Chor Ligia Grischa (1946) e da l'Uniun chant. da chant dal Grischun (1962). Premi Schiller.


Ovras:
BMVR, nrs 929-49; BR, nrs 2110-12.

Litteratura:
La Punt, nov. 1963, nr 9; Bedeutende Bündner 2, 408-14; J. Michael, Tumasch D. - tarda undrientscha, en: Annalas, 85/1972, 9-22; LQ, 20-8-2003.

Kurt Wanner

lemma precedents Dolf, TaniDolomitas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: