Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Donatz [Donats, Tonatsch, Tonnatz], vonDongo lemma sequent

Donatz [Donaz, Tonatz], Conradin von
* 11-12-1677, † 8-2-1750 a Seglias, cat., da Seglias. Figl da Peter, mastral a Farschno e guvernatur en Vuclina 1705-07, e da Dorothea n. Beeli von Belfort, da Vaz. ∞ Ursina Paravicini n. de Capelli, da Segl. Servetsch militar franz. a partir dal 1709, participà cun in regiment bernais a trais campagnas militaras en Sicilia. Maior 1729, litinent colonel 1732. Il 1733 è D. entrà sco colonel e possessur d'in regiment en servetsch piemuntais. Brigadier 1735, maior general 1737. Suenter ina greva blessura è el sa retratg il 1744 cun ina pensiun annuala da 5'000 glivras a Seglias, nua ch'el ha laschà construir il 1740 il Palazzo, la chasa burgaisa la pli impurtanta da la Tumleastga en sia concepziun generala. Las salas cun stuccaturas ed il curtin en stil baroc cun sias terrassas e ses pavigliuns èn da tempra taliana.


Archiv:
ASGR.

Litteratura:
Schweizerisches Geschlechterbuch 9, 1953, 46; Sprecher/Jenny, Kulturgeschichte, 244, ann. 25; Marca/Santi, Iconografia, 130, 139; R. Hartmann, Ein Palast für die Bürger, en: TG, 2003, nr 6, 76-79.

Martin Bundi

lemma precedents Donatz [Donats, Tonatsch, Tonnatz], vonDongo lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :