Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Dorno, CarlDosch, Leonhard [Lieni] lemma sequent

Dorta, Jachen
* ca. 1630, † 1692 u 1697, ref., da Scuol. Figl da Jachen, preditgant. Studis a Genevra 1648 (ens. cun Jacob Anton Vulpius). Ordinà il 1650, plevon a Scuol 1653-54, Madulain 1654-58, S-charl 1660-73, alura fin il 1684 a Scuol. Il 1659 ha el avert a Scuol, ens. cun Joan Pitschen Saluz, la Stamparia D., acquistada ad Augsburg. Suenter la mort da Saluz (1663) han ses ertavels cedì tut ils dretgs a D. che segna sulet fin il 1692. A partir da ca. l'onn 1680 possedevan ils D. (Jachen, Flurin e Peider) era l'unic mulin da palpiri da las Trais Lias. La Stamparia D. (D. segnava ses stampats cun Jacob Henric u Jachen Andri) ha edì o.t. ovras religiusas ref. ed intgins texts istorics, tr.a. la «Chronica Rhetica» (1742) da Nott a Porta. Bornatico numna «La Sacra Bibla», edida il 1679 da Jacob Anton Vulpius e da Jachen D. il vegl, il stampat il pli impurtant e caracterisescha quel sco "un culmine dell'arte grafica grigione". Sco schefstampadur segna Nuot Schimun Janett.


 
 


Litteratura:
Truog, Evangelische Pfarrer, 1935, 212; Bornatico, L'arte tipografica, 76-90, 96.

Adolf Collenberg

lemma precedents Dorno, CarlDosch, Leonhard [Lieni] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :